TANSÁ NA’AN LOKAL LABELE KOMPETE HO NA’AN NEBE IMPORTADU?

 

TANSÁ NA’AN LOKAL LABELE KOMPETE HO NA’AN NEBE IMPORTADU?

Dala barak ona akontese iha ita nia rai, ema estranjeiru barak maka prefere liu atu sosa na’an importa nebe fa’an iha supermerkadu sira kompara ho merkadu lokal.

Tuir informasaun nebe hakerek nain hetan husi ema estranjeiru balun katak, “ami lakohi sosa na’an nebe fa’an iha merkadu lokal no lurón tanba la IJÍENIKU, MÉTODU OHO ANIMAL LA PRÓPRIU, MÉTODU KOA NA’AN LA PRÓPRIU, KAHUR HO NA’AN HUSI ANIMAL SELUK no LA ATINJI ESTANDARTE KUALIDADE NA’AN FRESKU NEBE DIAK.

Hare husi assuntu iha leten, ita bele ona foti konkluzaun katak se ita la halo mudansa ba ita nia métodu oho animal no la tau atensaun másimu ba assuntu ijíeniku maka ba futuru ita nia produtu lokal sei labele kompete ho produtu importasaun nebe agora dadauk ninia volume importasaun sei ás tebes.

Iha ne’e mos iha informasaun balun kona-ba oinsá oho no ko’a na’an karau nebe diak atu bele atrai mos ema estranjeiru sira hodi bele sosa ita nia na’an lokal.

Prosesu Oho Karau

Dala barak ema la tau importansia ba métodu ka tékniku oinsa oho karau ho diak, maibe tuir lolos métodu sira ne’e afeta tebes ba prosesu rigormórtika na’an ninian. Rigormórtika hanesan sinais fíziku mate nian, nebe ridijesaun akontese periódikamente to’o oras 24 hafoin animal mate.

Prosesu rigormórtika ne’e afeta tebes ba na’an nia sabór no mos na’an nia mamar ka tós wainhira ema konsumu.

Hare husi imajen iha leten ita bele kategoriza ona na’an husi parte isin animal nian maka hanesan: neck, breast, chuck, rib, short plate, short loin, tender loin, sirloin, rump, round, flank no shank.

Na’an karau nebe importa mai iha Timor-Leste iha kondisaun rua, maka fatuk no fresku. Tuir lolos rua ne’e liu hotu husi prosesu refrijeradu, maibe klaru katak iha diferente.

Na’an fresku (chilled beef) ne’e ema hasai tiha oksijéniu, tanba ne’e proteina sei bele eksperimenta kresimentu tanba iha énzima iha laran.

Na’an fatuk (frozen beef) sei hamate énzima iha laran no bele kauza proteina labele ona esperimenta kresimentu.

Maske nune’e na’an fresku nebe mai ho identidade lokal (laos importa

) ninia kualidade no sabór sei diak liu wainhira ita halo preparasaun to’o oho no koa ho estandarte nebe mundu internasional valoriza ona.

Hakerek Nain:

Inacio Fernandes Quintao, L. Agp

LinkedIn: Inacio Fernandes Quintao

Twitter: @Ferquin_Acio

Youtube: Acio Ferquin