KUÑESE MAEK NEBE MAKA BELE KOMSUMU

MAEK NEBE MAKA IHA VALÓR EKONÓMIKU

Kuarta Feira, 27 Novembru 2019

Ohin loron iha Timor-Leste, ema barak maka ke’e maek hodi hamaran no fa’an ho folin nebe hanesan ho kafé, tanba agora dadauk iha ona ivestóres lubuk ida nebe hakarak sosa hodi eksporta ba nasaun seluk.

Hare husi situasaun ne’e, iha ema barak maka hakarak atu involve iha aktividade refere maibe sira konfuzaun kona-bá tipu / karaterístika maek ida nebe maka ema hakarak sosa no ema bele konsumu.

Bazeia ba assuntu iha leten, hau hakarak atu tulun ita nia maluk Timor-oan hotu nebe iha motivasaun atu hakiak ka investe iha maek nebe maka bele kolleta iha fulan 7 nia laran deit.

1. Karaterístika Maek (Amorphopallus Muelleri)

Kuñese Maek Nebe Maka Bele Konsumu

Tanba hare husi ninia efeitu Ekonómia, ema barak maka hakarak investe no hala’o negósiu hodi hakiak maek maibe sira la hatene karaterístika maek nebe maka bele tama ba merkadu?

Hare husi ilas iha leten, karik bele tulun ona leé nain sira kona ba oinsa atu kuñese maek nebe maka bele tama ba merkadu lokal no mos merkadu internasional. Maibe tuir mai sei iha mos eksplikasaun badak kona ba maek nebe maka agora dadauk investór sira buka:

Karaterístika Maek:

Ø  Iha tahan nebe belar

  Ø  Iha tahan nia tutun meik ho kór matak-nurak

  Ø  Estrutura kain kaber no makerek kores matak no mutin

  Ø  Estrutura isin iha urat kaber ho kór kinur

  Ø  Iha maek ne’e laiha matan tubun (calon tunas)

   Ø  Iha nia kain/sanak no mos tahan leet iha k’fuak nebe ikus mai bele utiliza nudar fini

Ida ne’e maka eksplikasaun oitoan kona-ba maek nebe maka ohin loron ema barak buka atu sosa ho folin nebe ás. Hein katak ho eksplikasaun simples ne’e bele tulun ona ema hotu nebe iha interesse atu investe iha ai-houris MAEK.